Maine apni facebook profile me likha hai k mai hindu dharm ko manti hoon kyoki mujhe ye lagta hai k yehi ek aisa dharm hai jo k saare dharmon ka aadar karta hai....Lekin ye kya.......kuch hindu samaj k log to hindu dharm bachane ki baat kar rahe hain.......!!! kya hamara dharm asurakshit hai?? Kaise?? hum bhartiya hain aur hamare desh me sabse zyada abadi hum hinduon ki hai phir hame ye asurakhsha kyo mehsoos ho rahi hai k hum bhi anya dharmon ki tarah apne dharm k prachar-prasar me lag gaye hain....!!
ek baar mere ek muslim mitra ne Shree Ram kahne me sankoch vyakt kiya tha,uss waqt maine bade he aatm vishwas k sath usko kaha tha k hum to kisi masjid me jaane ya allah kahne me koi parhez nahi karte,aur na he hum iss-se hindu dharm se bhatak jaate hain,zaroor tumlogon ko ye dar hoga k tumlog apne dharm se bhatak na jao...................!!!lekin mujhe nahi pata tha k aaj hum hindu bhi kahin na kahin aisa he sochne lage hain....!!
Meri ek aur mitra ne kaha k wo jaati pratha nahi manti,achha laga sunkar lekin agle he pal wo hindu dharm bachao abhiyan se judi nazar aain.......!!!
kya koi muslim ager achhe aur samaj hit me apne vichar vyakt karega to usk dharm k chalte hum usse nahi sune-ge??
kya koi christain ager achhi baat kahta ho to hum nahi sune-ge??
Mujhe to bahut garv hota hai k hamra desh ek dharm niripeksh desh hai.............!!
Ager hum jaati bhed mitana chahte hain, ek swasthya samaj k liye to hame dharm ka mat-bhed bhi mitana hoga ek shaktishali desh k liye.......!!
Ek film aai thi jisme ek bahut he khubsurat baat kahi gai thi............"IS DUNIYAN ME SIRF DO KISM K INSAN HOTE HAIN,ACHHE INSAN JO ACHHA KAAM KARTE HAIN AUR BURE INSAN JO BURA KAAM KARTE HAIN.....................!!
Ager hum isi sutra k adhar per jaati aur dharm tay karen to kisa rahega??????
